Diaranson Algemene Rekenkamer Aruba(ARA) a entrega e rapport “Strong and Resilient National Public Health System” na Parlamento di Aruba. Loke cu por a constata den e splicacion den e rapport, e pandemia tras di lomba a demostra cu Aruba no tin e recursonan financiero pa enfrenta algo asina. Aki ta caminda cu tin cu trece cambio. Crea un fondo pa enfrenta situacion asina pa evita e consecuencianan cu Aruba ta carga awendia.
Diaranson mainta a haci entrega di e rapport cu e resultado na Parlamento di Aruba. Nan ta presenta tur loke nan a constata di e medidanan tuma door di Gobierno pa haci e sistema di Salud Publico di Aruba uno mas resiliente. E investigacion aki ta mara na e metanan di un desaroyo duradero di Sustainable Development Goal (SDG) di Nacionnan Uni.
ARA ta bisa cu un biaha mas e pandemia di COVID-19 a demostra cu e disponibilidad di e recursonan financiero necesario tabata un punto di preocupacion. “Aruba no tin un fondo special pa financia medidanan of ayudo di emergencia den caso di pandemia of otro desasternan.” Y hustamente door cu Aruba no tin un fondo asina disponibel, cu mester a bini cu un presupuesto di emergencia pa financia e gastonan relaciona cu esaki.
Pa financia e presupuesto extra n’e añanan 2020 y 2021 mester a busca ayudo di likides for di Hulanda. A hay’e den forma di prestamo pero mara na diferente condicion. Un di e condicionnan ta pa baha presupuesto di AZV cu 60 miyon. Y esaki ta trece preocupacion cu ne, pasobra reduccion di presupuesto di AZV tin consecuencia pa e cobertura general y acceso na cuido.
Pa mas lesa TREMPAN.COM.
