Diabierna merdia, bao di guia di Brandweer, a transporta un container yena cu tur sorto di klapchi pa Wela. Aki lo ward’e te ora cu ta OK pa saca nan pa e controlnan necesario prome cu pone nan na benta pa fin di aña. Manera tur aña, Duana ta controla nan prome pa despues ta cla pa sali for di Wela dia 27 di december pa e diferente puntonan di benta.
Na cuminsamento di december e otro containernan lo yega. Tin cu menciona cu tur cos ta mustra cu nan ta riba un bon tempo pues no ta mira retraso manera cu a sosode añanan anterior. Ta spera un total di 22 container cu klapchi pa e aña aki.
