Diasabra mainta, den un ballroom di Aruba Marriott Resort & Stellaris® Casino completamente yen, a tuma luga e congreso Lidera, organisa pa Aruba Trade & Industry Association (ATIA).
ATIA ta considera su mes un defensor lider di nos comunidad empresarial y industrial di nos isla, pero tambe ta carga e responsabilidad di duna nos hobennan un futuro construi cu proposito. Tabata dia yena cu inspiracion y proposito. Un orador sumamente inspirativo, cu ideanan con pa implementa cambio teniendo cuenta cu e factonan di importancia pa e ser humano.
E congreso a conta cu e presencia di e panelista renombra Melis Senova, cu ta famoso p’e dicho: “Cambia mundo ta un trabou interno (inside job), cuminsa cu bo mes, actua cu determinacion y no pidi permiso na niun hende.”
Un di e cosnan cu Senova ta haya mas inspirador den e pueblo Arubiano, ta cu e sinti e energia y hamber, specialmente bou di e generacion mas jong, pa un cambio. E ta un invitacion pa crece, pa haci algo. Y door cu e ta un persona cu ta di biahe pa diferente pais rond mundo, e ta sinti cu tin un oportunidad riba nos isla, pa haci algo diferente riba nos isla.
ATIA
Tabata na luna di juli ultimo unda cu Aruba Tourism & Trade Industry (ATIA) a duna di conoce cu, a traves di nan movemento titula “LIDERA”, e empresario- y comerciantenan di Aruba por distingui nan mes for di e otro islanan. Pero nan mes momento, distingui nan mes na nivel nacional pa asina atrae e empleadonan ideal cu nan ta desea den nan compania. “Tur hende ta lidera nan bida, nan compania.” Esey ta loke nan kier, promove un comunidad yen di lider. ATIA lo lo kier traha un movemento di esaki, ta loke Henriquez a expresa.
