Fundacion Hende Homber ta organisando un conferencia titula ‘Homber cu ta Marca e Diferencia’. Esaki ta tuma luga riba diasabra, 4 di november na Gloria Imax.
Lo tin diferente orador cu lo toca varios tema importante, entre otro Johnny Boekhoudt, psicologo forensico, pastor Gino Frans, dokter John Croes, Francis Groeneveldt, Rhomyko Winklaar, Raymond Maxwell y Geraldine Alexander.
Ta bay ta un dia hopi informativo pa comunidad di Aruba unda lo toca e tema di salud mental tambe pa medio di dokter John Croes cu medicina avansa. “Mi ta kere e ta bon pa nos pueblo, tambe pa nos hobennan. Mirando tur locual ta pasando den nos comunidad. Mi ta kere nos hobennan mester e tipo di topico y guia asina. E atencion tambe pa nan sa cu nos t’ey pa nan tambe,” segun Rendon Noel, presidente di Fundacion Hende Homber.
E parti spiritual ta algo cu pastor Gino lo bay papia di dje, e parti di finansa y guia financiero lo cay bao guia di Francis Groeneveldt cu lo papia amplio riba esaki. Riba e parti di sexualidad y intimidad ta bay bao encargo di Geraldine Alexander. “Nos hende homber ta hopi reserva den e parti ey, pero ora nos hinca esey hunto mi ta kere e ta sumamente importante pa tin e variacion ey cu lo haci un impacto grandi,” Noel ta bisa.
Lesa mas den TREMPAN.
