Diasabra binidero dia 4 di november, Fundacion Orguyo Aruba ta organisa un caminata di diversidad p’asina demostra nan presencia na Aruba. E caminata lo sali for di Plaza Nicky Habibe y lo termina na Plaza Daniel Leo. E ta un caminata di menos di 1 kilometer. Tur cos ta cuminsa pa 5:00 pm.
E caminata ta pa mas cu tur cos, e visibilidad. E comunidad LGBTQIA + kier mustra pueblo cu nan t’ey, nan tabata t’ey y nan lo sigui t’ey y forma di e pueblo. Nan kier haci esaki den forma pa tin nan famia, amigo, aliadonan hunto cu nan durante e atardi aki. Bruce Ponson ta presidente di Fundacion Orguyo, e ta invita un y tur pa t’ey presente diasabra awo na e tremendo caminata aki.
E tabata plania pa 29 di september pero debi na cancelacion, a cambia e fecha pa 4 di november proximo. Proximamente, un delegacion di Fundacion Orguyo Aruba ta biahando pa Hulanda p’asina atende cu e caso cu nan tin casacion actualmente contra Pais Aruba, caminda keto bay gobierno y parlamento no kier honra nan derecho pa tin igualdad di matrimonio di mesun sexo riba nos isla.
Pa mas lesa TREMPAN.
