Compleho di apartamento na Madiki a pega candela

Diadomingo alrededor di 2:30am a bati alarma pa un compleho di apartamento na candela na Madiki, specificamente Madiki # 31-C situa cerca di Anglo Kleuterschool. Varios unidad di Cuerpo di Bombero a yega na e sitio, hunto cu DTI y Elmar pa investiga un ke otro.

E causa di candela ainda no ta conoci, pero ta sospecha cu por ta un kortsluiting. Un ke otro lo mester bira parti di e investigacion awo.

 

Varios famia, mayoria stranhero di diferente nacionalidad a perde gran parti di nan pertenencianan.

Ta algun dia pasa tabatin un candela tambe den vecindario di e mesun apartamentonan aki.