Na Aruba nos tur conoce e asina yama Christmas Dinner of Christmas Party. Pero di un manera innovador, Do it Center a organisa un Fiesta di Aprecio pa su trahadonan.
Frans Ponson, como un di e doñonan di Do it Center a indica cu esaki tabata un manera di Do it Center di duna bek na su trahadonan, pa laga nan sinti con hopi e compania ta aprecia nan. El a bisa cu hopi biaha bo por bin cu yen di idea, pero si e compania no tin su trahadonan pa apoya y yuda pusha e ideanan aki, e ora e idea no bal nada.
P’esey diadomingo anochi, nan Gerencia di Do it Center a tene su fiesta di aprecio, cu nan y pa nan. Ponson a indica cu Do it Center ta den creciendo, pero un bes mas e ta enfatisa cu sin e trahadonan nan no tabata por a pasa door di e dianan dificil.
A pesar di e temponan duro di COVID, nan a zorg pa mantene nan trahadonan, a sinta cu nan, pa wak kico cada partido ta dispuesto pa duna. Ponson a enfatisa cu nan a pasa e temporada duro ey, sin ayudo, pero cu apoyo di e mesun trahadonan. Y awe, tur ta piki di e fruta cu cada uno a yuda cosecha.
FUTURO
Tur hende conoce General Store con el a crece y awendia Do it Center, cu no ta un compania cu ta para keto. Poco tempo pasa nan a cera un convenio cu Exito di Colombia. Y denter di dos pa tres luna, lo por wak cambionan grandi na Aruba, resultado di nan convenio cu Exito. Pueblo mes lo keda sorprendi pa tur locual nan lo trece p’e pueblo di Aruba. Y un bes mas, pa por logra tur esaki nan mester di nan trahadonan, cu tur e cambionan cu tin na caminda. Tur esaki ta zorg pa retonan den nan trabou diario.
Cu loke Do it Center ta haciendo ta bayendo mas den direccion di Walmart. Un biaha mas, Ponson ta sigur cu si bo duna bon servicio, bon prijs y pueblo ta wak cu nan ta inverti, ta duna bek n’e pueblo, cu e trahadonan ta contento. E pueblo sa cu Do it Center ta un compania serio y nan sa cu nan ta un compania cu ta cumpli.
El a garantisa cu Do it Center crece so e por keda crece.
