Hopi ta esunnan cu a bay Houston, Merca, pa apoya e seleccion nacional di Corsou. Entre nan tabatin Ministernan di Corsou como di Aruba.
24ora a topa cu dos minister despues di wega y a puntra nan riba con nan a haya cu e seleccion di Corosu a hunga, nan experencia. Roderick Middelhof, Minister di Desaroyo Economico di Corsou, a conta cu e sentimento tabata uno hopi emocion. Di mira e bandera di Corsou, con ta toca e himno nacional den stadion na Merca, esey ta importante.
Pa loke ta e gol, e mandatario a expresa cu esey a marca un paso. A mustra tur cu Corsou no a bay cu 0, no a bin eynan pa pasa vakantie pero pa gana. E ta haya cu nan a gana algo, cu nan a score door di hinca un gol. El a expresa cu asina ey nan ta bay sigui tambe. P’e siguiente weganan miho nan prepara, pasobra Corsou ta bin mas duro.
Wendrick Cicilia, Minister di Turismo, a expresa di tabata un momento bunita pa ta eynan presente hunto cu Minister di Desaroyo Economico pa por duna sosten n’e seleccion di Corsou. Momento cu Mundial a inicia, a bisa cu tur ta Corsou tur hende ta sostene e hermana isla den un momento historico y bunita.
Por a mira hopi fanatico di Corsou como Aruba a bay Houston, Texas, pa sostene e seleccion. Esey t’e relacion cu Aruba tin cu Corsou. E ta lasonan familiar, di amistad. Nan ta lasonan economico cu ta uni ambos pais.
Cobertura di Mundial 2026 ta presenta pa:
RDA
Taco Bell
Arugas
Old Parr
Frito Lay
Que Pasa Restaurant
Cafe the Plaza
Balashi
Elmar
SVB
Fast
Setar
RIU
AIB Bank
Banco di Caribe
