Den fin di siman Brazil Taekwondo Stichting a organisa Aracari Taekwondo Cup na honor di Master Eric Barry. Aracari Taekwondo Cup tabata e di dos cualificacion pa november y varios scol a participa.
Chaco Taekwondo Academy a bin bon prepara cu dos coach, Master Yoshmar Wever y Master Miguel Genser, pa coach nan team di atletanan cu a participa den bringamento y forma. Mayornan presente a mira e peleanan di nivel internacional den Aracari Taekwondo Cup.
Chaco Taekwondo Academy su team di 7 atleta a gana nan prome pelea cu a acumula 49 punto y tabata e puntuacion maximo pa logra prome luga.
Vice-presidente Master Nurberto Tromp a presenta e premio di Best Team na Master Eric Barry cu a entrega e Copa na Master Yoshmar Wever. Brazil Taekwondo Stichting ta felicita Chaco Taekwondo Academy.
