Colego EPI ta organisa su anochi di informacion caminda lo duna informacion valioso na tur studiante di scolnan secundario cu ta interesa di sigui cu nan estudio na Colegio EPI.
E anochi di informacion lo tuma lugar diabierna awor 22 di maart di 5.00pm – 8.00pm den e auditorium di Colegio EPI cu ta accesibel via gate 9 y gate 10.
Meta principal di e anochi aki ta pa informa studiantenan di scolnan secundario tocante e diferente opleidingnan cu tin na Colegio EPI y kico ta e rekisitonan di admision. Ta importante pa tene na cuenta cu aceptacion na un di opleidingnan di EPI, e studiante mester cumpli cu e profiel cu e opleiding ta exigi.
Colegio EPI ta encurasha mayornan tambe pa bin cu nan yiunan pa asina duna guia y sosten den nan desicion pa scoge un estudio.
Studiantenan cu gradua na Colegio EPI ta bira profesionalnan ariba nivel intermedio (MBO).
E studiante por scoge pa bay traha of pa sigui studia riba nivel HBO.
Durante e anochi di informacion lo bay tin oportunidad pa papia cu studiantenan actual di Colegio EPI como tambe docentenan y e decanonan di e 4 unidadnan.
Pa e studiante cu ainda no ta sigur den cua ramo e kier sigui studia den futuro, ta encurasha nan pa pasa bishita tur e boothnan presente pa asina e por haya informacion di e diferente estudionan brinda na Colegio EPI.
Pa informacion general di Colegio EPI y tambe pa mapa di e campus por bishita Colegio EPI su website: www.epiaruba.com
