Clero Catolico a reuni cu Formado mr. Evelyn Wever-Croes pa elabora riba diferente punto. Nan a presenta n’e formado pa asina trece nan temanan di preocupacion. Durante e reunion a pidi p’e siguiente gobernacion tene na cuenta nan puntonan.
Pastoor Andres Makowiec, vicario di Clero Catolico, a gradici e cooperacion di e tempo tra’i lomba. Nan a expresa e deseo y necesidad pa sigui coopera hunto ya cu ta den un momento sumamente dificil door di e pandemia.
Clero Catolico kier mira pa tin contacto permanente cu minister presidente. Nan a destaca mas tanto contacto cu minister di salubridad como minister di asuntonan social ya cu den e pandemia aki nan a trata hopi persona cu a sufri cierto problema entre falta di trabou, alimento y etc.
A pone enfasis riba e leynan cu gobierno ta bay introduci, pasobra den pasado nan a introduci diferente ley cu ta bay contra nan etica moral di cristian. A pidi pa tene cuenta cu nan opinion y haci un forma di consulta pa loke ta nan sentimento y principio. Ta di suma importancia pa nan ta den contacto p’e puntonan aki.
Un otro punto importante ta asunto famia, unda cu a papia riba ley cu ta afecta famia ya cu tin hopi divorcio, desintegracion di famia, pandemia cu a afecta famia. A elabora kico e parokianan ta haci pa esunnan den necesidad. Tambe ta mira door cu a bin cambio den maneho pa haya mas participacion.
Pa cobertura mas amplio, lesa e edicion di TREMPAN mañan.
