Tur cos tabata programa pa cera un parti di Wilhelminastraat diaranson mainta 9:00. Sinembargo no tur cos a bay segun schedule pa cual mester a pospone e plannan pa un dia.
Cierre di parti di Wilhelminastraat ta necesario pa sigui cu e di dos fase di e proyecto di Revitalisacion di e area ey. E parti cu mester a cera ta esun un poco mas pabou di El Gaucho te banda di Marios Sportshop.
Segun por a compronde, e compania no a keda cla pa cuminsa diaranson mainta cu e trabou y a pidi pa pospone e fecha di inicio pa diahuebs e ora.
Pues chauffeurnan mester tene cuenta cu si ta pa centro, lo mester drenta Ooststraat y si ta mas na e otro banda, mester tuma e caminda di Lagoen.
E proyecto ta encera trinta dia di trabou, si no haya contratempo, manera cu a sosode den e prome fase di Revitalisacion. Aunke mester bisa cu den e prome fase tabatin e area unda mayoria di tuberia grandi tabata pasa.
Pues pa yega na sede di Headlines Group, di 24ora.com y matutino TREMPAN, cu ta keda den Layex Building mester tuma e caminda di Lagoen.
Pues automobilistanan durante trinta dia no por uza un parti di Wilhelminastraat.
