Diahuebs, pa mas of menos 2:00 pm, un chauffeur coriendo un Toyota Agya, a bay pa bira na su man drechi pa staciona na un supermercado banda di e stadion Guillermo Prospero Trinidad, ora cu diripiente un ciclista a bin dal den e auto.
Mesora e chauffeur a bay pa yuda e ciclista hunto cu algun empleado di e supermercado. A yuda e ciclista cu ijs, mirando cu el a herida su man.
Polis na e sitio a pidi asistencia di ambulance, mirando cu e ciclista, cu excepcion di su man, tambe tabata sinti su pia.
