Den fin di siman of hopi biaha riba diabierna tin basta chauffeur bebi riba caminda. E peliger cu nan ta causa ta pone cu otro chauffeurnan iresponsabel ta avisa Polis mesora prome cu causa desgracia.
E chauffeur di e pickup aki a core tambe den area di Green Corridor y djey lora bay direccion WEB. Despues a bay direccion Pos Chikito. Polisnan di Santa Cruz a bin full speed cu luz blauw y sirene.
A logra para e chauffeur drentando Pos Chikito. A resulta cu e tabata pata pata. E no por a para mes drechi riba su pianan. Polis a pone na boei y pidi dogcatcher. A papia cu un señora chauffeur cu a conta con el a hera accidenta varios biaha. E tabata core zig zag y hasta mey di caminda. Danki Dios e cos a caba asina. Pickup a wordo poni dilanti un cas te ora e doño ta apto pa core auto.
