Diadomingo anochi a sosode un accidente cu hende herida den e birada di Calabas. Un unidad di Polis a topa cu e accidente. Ta e Nissan Sentra color shinishi A-63746 cu un rato prome a hit and Run na Catiri y bayendo Nort a pasa Moko y den e birada di Calabas a baha caminda na man drechi perde control y ranca palo di lus. Djey a dal den un muraya di e proyecto di cas na Calabas.
A pidi ambulance pa e persona herida y tambe a pidi ekipo di rescate. Tabata tin hasta waya cu coriente riba dje ta core riba caminda. Bomberonan a yega y duna Polis un man y tambe paramediconan di ambulance pa saca e victima di e Nissan Sentra.
Chauffeur ta accidenta na Calabas despues di Hit and Run na Catiri
Posted by 24ora on Sunday, May 12, 2019
Elmar su personal a bin kita e coriente y habri e hala e palo di lus. Investigacion a tuma luga na e sitio. E chauffeur no ta grave pero Polis ta sospecha e momento ey cu e ta bebi. Como cu e ta herida no por a haci test. Takelwagen a kita e auto for di e sitio.
