Dialuna marduga banda di 4or a sosode un accidente grave. Un chauffeur den un Chevrolet Aveo colo shinishi tabata bay zuid riba e caminda di Noord. E tabata bin di Westpunt y yegando Rooi Santo a perde control baha caminda na man robes.
E auto a bay den scual bay dal den skina di un cura di cas. Polis a yega y pidi ambulance cu urgencia. E chauffeur no tabata reacciona. No sa si e chauffeur tabata bebi cu a pone cu e no tabata reacciona. Asina mes un investigacion a cuminsa cu a dura algun ora. Pasa di 7or ainda e caminda tabata cera. Despues di e investigacion a hiba e auto warda di Balashi. Ta keda pendiente pa e salud di e chauffeur.
