Awe den oranan di merdia tabatin un accidente a sosode den area di Savaneta den cual un auto di Gobierno tabata envolvi.
Esaki a sosode un poco despues di 1’or di merdia. Informacion haya na e sitio ta mustra cu un Toyota Corolla shinishi numera A 75894 cu ta bin for di San Nicolas direccion di Playa no a regula su velocidad na tempo. El a bay kita pa un auto cu a purba sali su dilanti. Den e maniobra aki, el a bay dal riba un Kia Rio Shinishi V wagen cu ta pertenece na Team di Recherche San Nicolas. El a dal den banda robes di e auto aki, cu tabata direccion di San Nicolas.
Polis di trafico a yega eynan y a cera un banda di caminda pa haci nan ivestigacion. No tabatin ningun persona herida.
