Diadomingo mainta a drenta informe di un accidente hit and run riba e caminda di Kibaima pa Mond’i Fierno. A dirigi un patruya na e sitio. Na yegada di e patruya a bin compronde for di testigonan cu lo ta un pickup a dal e palo di luz aki kibra y a sigui core bay mientras un testigo a sigui esaki te na Maria Maai.
Polis a bay na e adres na Maria Maai pero e cas tabata full cera y ningun hende tabata sali mientras cu nan a mira e daño riba e pick-up. E daño tabata mustra of confirna cu e tabata envolvi den un accidente. E investigacion ta continua. Elmar a keda di bay atende tambe cu e daño na palo di luz.
