Unidad di polis motorisa a capta un vehiculo awe mainta, durante nan control di trafico, coriendo riba un velocidad haltisimo riba Green Corridor. A logra para e vehiculo a ki ta altura di Meiveld.
Den careda di 9:00AM na altura di Cas di Max na Meiveld, polis a logra para un vehiculo cu tabata coriendo riba Green Corridor cu un velocidad riba 150km/h. E persona aki tabata den un Chevrolet Equinox ( Color beige) numera A-44080 cu no tabata pertenece tampoco na e auto menciona.
E auto aki no solamente tabata poniendo su mes pero tambe demas automobilista den peliger cu e velocidad halto cu e tabata coriendo, pero tampoco tabata tin su papelnan na ordo, no tabata tin rijbewijs y a surpasa limiti cu ta permiti. Mesora ta haya ordo di fiscal pa tuma vehiculo den beslag y cual lo evalua despues si ta haya esaki bek of no.
Ta importante pa chauffeurnan tene na cuenta cu e control den trafico ta continua, hopi multa reparti e ultimo dianan y ta conseha tur hende cu ta transita riba careteranan di nos isla pa tin tur rekisito na ordo.
Na sitio a detene e chauffeur.
A transporta e detenido pa warda di Playa y un rato despues takelwagen a presenta na sitio pa hiba e vehiculo .
