Dialuna atardi algun minuut despues di 4or ta pasa un accidente na St. Cruz,un poco mas pabou di sede bieu di Warda di Polis.
Un chauffeur den un Nissan Platina a sali for di e T-weg di Siribana pa subi e caminda principal di St.Cruz bay direccion ariba y a hala mucho na su man robes net na momento cu for di contrario un Hyundai Tucson ta biniendo y a bay dal den su banda.
E platina a sigui y bay para parcial riba e acera cu wiel completamente kibra sin por a core mas.
No tawata tin herido y daño material si ta hopi.
Tawata tin indicacion cu e chauffeur di e Platina por ta bebi y polis a pone supla. A dicidi di bay cu e chauffeur aki tambe warda pa mas investigacion.
Takelwagen a hala e autonan for di caminda.
