Diadomingo marduga, pa mas of menos 3’or, un chauffeur coriendo den su SUV Hyundai Santa Fe nobo nobo, tabata coriendo riba e caminda di Driemasterstraat na Madiki direccion Playa, ora cu dado momento pa un motibo of otro, a perde control riba e stuur y a bay dal riba un palo di luz.
Polis na e sitio a laga e chauffeur supla, pero e meter a sali negativo pa alcohol. Polis a keda na e sitio pa warda riba e takelwagen, pa esaki move e auto for di caminda. E daño causa na e auto ta considerabel.
