Charla riba Abuso Sexual di Menor cu bon acogida na MFA Paradera

Diamars anochi tabata tin un charla hopi interesante cu a tuma luga den MFA na Paradera cu ta toca e tema riba abuso sexual di menor.

Grace Maduro, presidente di APG (Arubaanse Padvindsters Gilde), a conta cu e charla aki ta un di e prome di e seisnan cu ta bay tin den diferente bario, na tur MFA y na San Nicolas na Teresita Center y na Playa na Biblioteca, den cual ta bay duna mayornan informacion di con por traha y haci nos muchanan mas fuerte pa nan siña bisa no.

 

Charla riba Abuso Sexual di Menor cu bon acogida na MFA Paradera

Charla riba Abuso Sexual di Menor cu bon acogida na MFA Paradera.Click link pa mas https://24ora.tv/2Eq5ijf

Posted by 24ora on Wednesday, May 22, 2019

E mundo eyfo no ta facil, segun Maduro. E metodo aki ta uno hopi bon hinca den otro na Papiamento di Aruba, cu canticanan, cu por wordo duna na scol.Por ehempel den e gruponan na September, nan lo bay train tur lider di APG pa ehecuta e programa aki. E programa aki ta alinea cu loke nan como miembro di un grupo mundial di Padvinderij. E programa aki ta sluit aan.

Personalmente, Maduro tin un empuhe tras di e proyecto aki. El a cansa di tende tocante di abuso sexual. E ta compronde cu e ta un cos di hopi aña. Pero un caminda mester pone e paro. Un caminda mester bisa cu for di awo p’adilanti ta bay handle e asunto aki na un otro manera. E discusionnan hopi academico, manera nan ta bisa na Spaño, cu Maduro ta compronde. E ta compronde tur e afwegingnan. Cu esey no ta preveni pa muchanan no wordo abusa. Door di siñanan, y esaki mester ta manera na Hulanda y Corsou. Na tur scol Catolico na Corsou, e programa aki similar, tin un fundacion apart ya pa añanan largo caba cu ta educa e maestronan di scol y yuda pa e muchanan bira mas fuerte y por para pa nan mes.

E charla tabata pa mayornan, pero cu tanto cos ta pasa den comunidad, a dicidi pa acerca MFA nan wak kico por haci. E acogida tabata hopi grandi. A haya bendicion di gobierno. Maduro, den su buskeda kico tin na Aruba, a bin topa cu e metodo aki. A neem door tur metodo cu tin di SKOA, cu ta un metodo pa educacion sexual, cual ta algo full otro cu haci e mucha fuerte contra di abuso sexual na un edad hoben.E metodo aki ta un metodo cu ta di klas 3/4/5/6. Nan mes tin un metodo cu yama Free Being Me, cu nan ta uza den padvinderij, cual ta pa muchanan di 5 of 6 aña. Di eynan caba ta cuminsa pa nan cuida nan curpa, con nan mester anda cu nan mes, con nan ta cuida nan parti, con nan ta baña y cu ningun hende no mag di mishi cu nan.

Maduro ta reta tur hende cu ta haci dificil y cu ta pensa cu esaki no ta na su luga, pa bin cu un metodo cu por baha e cantidad di abusonan sexual den nos comunidad cu 50%. Maduro lo ta ffeliz y contento si abo tin e metodo y e lo sigui’e. Pero no por keda discuti mas. Cada mucha abusa ta un mucha dimas.

Comments

comments