Despues di un training di mas cu diesdos siman, K9 Acenta, e cacho special nobo di listra droga di KIA, a gradua pa su examen. Acenta ta un Melchelse herder, procedente di Hulanda.
Danki na un donacion particular, Acenta awor ta forma parti di e Team Extraordinario di Resfuerso – Brigada di Cacho (BOT-K9) di KIA. Preparacion di Acenta den su totalidad a tuma luga na Aruba mes.
Ademas di Acenta, cu a haya su prome certificado, dos otro cacho di servicio Noa, Pipo y Sting a pasa nan ripiticion di examen. Ripiticion di examen ta tuma luga dos biaha pa aña y ta encera control di calidad den e siguiente disciplina; droga, placa, arma di candela y municion.
Instituto Coreccional di Aruba tin un Team Extraordinario di Resfuerso – Brigada di Cacho (BOT-K). E team aki tin e.o. na su disposicion, cachonan certifica di vigilancia, como tambe di listra, cu ta contribui na siguridad paden y pafor di KIA.
