Riba rednan social como tambe medionan digital, por mira e jingle promocional nobo di cerbes Chill.
E productor local, nada menos cu Stefan Bartels-Daal, conoci como Steve Andreas a haci uzo di e ekipo visual di Edward Silberie.
E mensahe ta inspira door di Carnaval di Aruba combina cu beach lifestyle cu e cerbes ta afilia su mes cu ne ta conta cu cantantenan conoci di carnaval, esta Mervin Baptiste (Blacky), como tambe Tony Mingo.
Den e video ta ilustra baile, trahenan y make up inspira pa e musica contagioso di carnaval.
Cerbes Chill tambe a opta pa durante e periodo aki, pone un sticker special riba nan necklabel conmemorando e 70 aña di carnaval di Aruba.
Chill ta un partner oficial di SMAC como tambe gruponan di carnaval manera Champagne Carnival Group, Empire Carnival Group y Quality Brassband.
Chill ta e cerbes perfecto pa e calor dushi di Aruba aki pa saboria den dia como tambe anochi.
Un cos si, mester corda consumi di forma responsabel. “Pa Brouwerij Nacional Balashi ta importante pa inverti y contribui pa engrandese e carnaval di Aruba como tambe pa sigui promove nos isla”, asina Rowald Werleman, hefe di mercadeo di Brouwerij Nacional Balashi a comenta.
