Desiree Helder di Oficina Central di Estadistica durante un conferencia di prensa awe a informa cu Censo 2020 ta sigui. Basa riba tratadonan internacional, Censo ta algo cu mester organisa cada 10 aña pa mantene datonan di pais na ordo, cualnan ta necesario na momento di crea un maneho di parti di Gobierno.
Sra. Desiree Helder di CBS a splica den e conferencia di prensa cu sigur a tene cuenta cu e situacion actual cu e pais ta pasando aden, y siguridad di encuestadonan como e ciudadanonan mes. Ta cuminsa cu Censo online unda tur hende tin acceso na dje via di e website di CBS. E hogarnan cu yena esaki completo online, lo no haya bishita di encuestadonan. Mester yena e number di percela cu ta aparece riba e recibo di WEB cu ta un number unico.
Ya caba a planea pa e censo aki ta completamente digital y awo a dal un stap mas leu. A haci adaptacion di e cuestionario, cu ta haci mas facil pa yena esaki digitalmente online. Den pasado a entrena personal pa hinca e informacion digital y awo a simplifica esaki pa e ciudadano tin acceso y e mes por yena e formulario. A kita algun pregunta afo y loke a resta ta uno facil y cortico.
Loading…
Reload document 
Open in new tab For di prome di october, personal di CBS ta disponibel telefonicamente pa yuda e ciudadanonan cu tin pregunta riba con pa yena e formulario. Esnan cu no ta desea di yena e formulario online, ta haya bishita di e contadonan den luna di november. Entrante prome di november ta cuminsa bishita e casnan.
E informacionnan aki ta masha importante, principalmente den e periodo aki. Ta importante pa sa cuanto hende ta biba na Aruba, cuanto hende ta traha of cu a perde entrada. P’esey ta masha importante cooperacion di pueblo den esaki, e conteo mester ta completo.
