Kòrsou ta un area di 444 km2 i ku tin un poblashon konforme sifra di CBS di 156223 hende. Último 5 aña ta mas 500 outo a ser hòrta aki na Kòrsou. Ainda mi no por komprendé kon esaki por ta posibel riba un pais chikitu asina den kual kasi tur hende konosé otro.
Mas alue mi mester bisa ta un tristesa di mira kon personanan ku a kaba di kumpra nan outo via di banko ta pèrdè esaki ta keda na pia siendo mester sigi banko. Tambe kon traumatisa tin hopi hende ta keda despues di mira den ki estado nan vehikulo a ser enkontra. Den un reunion publiko fechà dia 19 di oktober 2018 pidi pa frakshon di MAN nos a elabora ampliamente riba e topiko aki i a hasi diferente pregunta na gobiernu pa sa kon di un manera konkreto lo trata na frana e fenomeno aki mas tantu posibel. Na september 2019 mi a manda un karta na Minister di hustisia indikando kon grandi e preokupashon ta bou di nos komunidat pa ku ladronisiua di auto. Den e ultimo simannan despues di periodo di “lockdown” nos por bira ku e fenomeno aki a lanta kabes pisa.
Tambe nos ta mira ku banda di horta e auto ta yega i kita piesa for di e vehikulo i bai kune. Den e reunion menshona ba 2018 aña desopues di a hasi henter un evaluashon i sinta ku entreo otro “kueringslokaal, Polis i tambe kompanianan di seguro mi a konklui ku no tin sinkronisashon di informashon i esaki pa mi ta netamente un di e kosnan ku mester ta bon struktura. Banda di esei tin diferente aparato moderno ku por hasi uzop di dje pa por frena ladronisia di outo. Mi ta kere ku gobiernu mester dal e paso aki pa sinta na mesa ku tur hende pa yega na maneho i palabrashonnan konkreto riba kon ta bai atende ku ladronisia di outo ku lantando kabes atrobe. Si tuma e kos aki na serio i atende debidamente esaki lo trese un trankilidat enorme bou di nos komunidat. Mi ta spera ku gobiernu lo pone atenshon na esaki i trese posibel solushon pa esaki. Lo mi sigi monitoria e situashon hopi di aserka paso por pasa ku un dia mi mes lo por birsa viktima of kualke famia dimi.
