Djaluna 17 di ougùstùs 2020 durante oranan di mainta, Tim di Maneho durante di un seremonia sobrio pero di hopi nifikashon, a honra 34 trahadó di Kuerpo Polisial ku a kumpli respektivamente 25, 30, 35 i 40 aña di servisio.
En total e koleganan aki a sera 945 aña di servisio. Durante di su diskurso, hefe di kuerpo suplente komisario Raymond Ellis a gradisí e miembronan di kuerpo pa nan labor ku nan a presta na e kuerpo i na komunidat. Alabes el a pidi nan tur pa sigui pasa nan eksperensia i konosementu na e koleganan mas hóben, pa garantisá stabilidat di e organisashon.
