Den luna di february 2022 lo ta di 5 aña cu CEDE Aruba ta duna reconocimento na boluntarionan riba nos isla. E aña aki nos por corda con den un forma diferente, a otorga reconocemento na Drive Inn cu tabata yen di boluntario y fundacionan.Un anochi hopi diferente mirando nan mes riba big screen y ricibiendo nan trofeo dilanti nan auto den un forma bon structura. Un total di 104 boluntario cu atencion special riba frontliners cu a traha asina duro durante e pandemia a wordo reconoci.
Dia 5 di december “Dia Internacional di Boluntario” y ta wordo celebra mundialmente. Nos na Aruba, mayoria clubnan – instancia of fundacion ta draai rond di hendennan balente y cu amor pa yuda nan prohimo den forma boluntario. E pandemia sinembargo no a stop nan pero a exigi pa nan ta mas creativo pa sigi duna cuido of ayudo na fundacionnan. E curazon grandi cu cada boluntario tin pa brinda e extra ayudo na cualkier NGO, ta pone cu CEDE Aruba ta duna e atencion na e boluntario special aki.
CEDE Aruba ta preparando pa e di 5 edicion 2021, di “Volunteer of the Year awards” (VOTY).
“VOTY” awards a bira un galardon cu mayoria ngo ta warda riba pa asina bisa danki na e Boluntario cu a haci e funcionamento di un instancia of fundacion mas facil.
Director di Cede Aruba sr Daniel Tacklenborg; “CEDE Aruba ta duna su sosten na tur organisacionan cu ta pidi yudansa na CEDE. Un dia di boluntarismo ta pa reconoce y gradici boluntarionan pero tambe ta desea pa nos ricibi mas boluntario pa yuda organisacionan cu mester di e yudansa aki durante aña.
VOTY Award lo tuma lugar di 5 di Februari den Cas di Cultura den un forma inovativo y diferente. Ta wordo pidi na tur instancia pa nan manda nan nominadonan aden prome cu dia 15 di Januari 2022. Mande via e link cu organisacionan a ricibi hunto cu e invitacion of por mande tambe via [email protected].
Manda e nomber completo di e nominado e fundacion y e motibo pakiko e persona ey ta wordo nominda, den no mas cu 5 regel.
Cu e celebracion aki Cede Aruba lo gradici tur boluntario cu a destaca pa nan organisacion durante 2021.
Boluntarionan cu ta duna nan tempo valioso sin pidi ningun recompensa lo wordo honra y lo ricibi un Award specialmente traha pa nan.
Tur non profit organisacion na Aruba cu ta traha cu boluntario, ta wordo pidi pa nombra un boluntario cu a traha den nan organisacion y a haci un impacto grandi riba e organisacion durante aña 2021.
Ultimo dia pa inscribi bo boluntario ta 15 di Januari 2022. Pa mas informacion por yama sra Elsa Krosendijk na CEDE Aruba 582-7666.
