Josephine Albertus (SIMAR): Ta na directiva di cada scol pa dicidi si tin les of no

Veld di enseñansa tambe lo forma parti di e accion masivo di dialuna, segun Josephine Albertus, presidente di SIMAR den un rueda di prensa extraordinario cu a tuma luga diabierna merdia na nan sede. Esey ta buta cu fo’i 7:30 am te cu 12:00 pm pa esunnan cu lo participa den e accion.

Sinembargo cada directiva di scol lo mira e ora con nan lo resolve esaki e parti aki.

Pa loke ta e parti di werkster, Albertus a señala cu SEPPA ta encarga cu esey. Supuestamente tin un comision cu lo atende cu e situacion aki, pero te ainda nada concreto a sali di dje.

Albertus a remarca cu por mira cu comision ta manera un tipo di rekmento di tempo. Den e temporada cu SIMAR a forma su directiva nobo y a sinta cu gobierno den diferente Conseho di Minister, a laga nan sa cu lo bin cu diferente comision, pero te ainda nan ta wardando.

Segun Albertus, despues di a entrega un manifiesto na gobierno, e minister encarga cu enseñansa a indica cu lo trata esaki den Conseho di Minister. El a bin cu diferente punto, cual segun Albertus nan ta bezig cu ne.

Manera cu e minister a bisa den un rueda di prensa, ainda oficialmente no tin un cifra concreto di cuanto lo corta den e presupuesto.

Albertus a subraya cu SIMAR no kier tende cu tin recorte den e sector di enseñansa. Tur loke nan kier tende ta ‘inversion