Diasabra casi yegando 1:00 am un patruya di polis a topa cu un homber canando riba caminda di Piedra Plat na altura di John’s Pizza. Polis a baha y atende cu ne, pero ora e homber no por a hustifica su presencia riba caya durante Toque de Queda, a opta pa deten’e y hib’e Warda di Polis na Santa Cruz pa mas investigacion.
E ley di calamidad vigente actualmente ta prohibi pa ciudadanonan ta riba caminda publico despues di 10:00 pm. Ta haci excepcion pa cierto gruponan of cu un carta di trabou indicando cu a sali di trabou y ta rumbo pa cas. Den e caso aki, no tabata asina. Multa pa TdQ ta cuminsa na mil florin.
