Un persona deteni y un victima atendi despues di un persecucion formal riba caminda di Sasaki pa Hato
Un persecucion a cuminsa for di area di Hospital na momento cu a informa cu tin un persona ta agrediendo un dama den auto.
Testigonan a bati alarma mesora pa un caso di maltrato cu a tuma luga aproximadamente 9:45 am den cercania di Hospital. Un homber tabata golpia malamente un dama den auto.
Patruya di noord a yega rapidamente pero e chauffuer no a sigui ordo pa para y aki a cuminsa un persecucion for di Sasaki, despues dilanti Tat-Fat Hardware store pa subi caminda bek di Pos Abou y termina band’i Ceque College MAVO na Hato.
E victima tabata naturalmente afecta y a pidi presencia di slachtofferhulp pa brinda asistencia. Mientrastanto polis a detene e persona y transporte pa un warda di polis.
