Ministerio Publico a contesta “No comments” riba nos pregunta cu si e director di Directie Infrastructuur en Planning (DIP), ing. Haime Croes, ta e sospechoso principal den e investigacion cu a haya nomber di Cucuisa. Esey basa riba e echo cu Landsrecherche ta investigando y ta scucha testigo den e caso aki. Siman pasa nan a manda yama y a scucha ex-Minister drs. Marisol Lopez-Tromp.
“Mi no por contesta kico tur mi a declara pasobra mi por stroba of daña e investigacion”, asina e actual lider di fraccion di MAS a contesta riba nos pregunta. Locual si e por a sigura cu e caso ta Cucuisa y cu ey e recherche a verifica puntonan cu Haime Croes, como e sospechoso, a declara na nan durante su interogacion. Ora a papia cu Lopez-Tromp, tabata mas bien pa verifica si tur loke el a bisa ta berdad y pa mira prueba na otro banda. Pa e articulo completo, lesa e edicion awe di TREMPAN.
