Diahuebs Casa Cuna Progreso a introduci su Tienermoederhuis, y e cas ta ofrece luga pa 4 mama hoben, cu maximo dos yiu pa mama. Segun Stephanie Felipa, Unit Coordinator di e Tienermoederhuis, tin un team di pedagogonan, cu lo yuda e mamanan riba e caminda di independisacion.
Kier siñanan con pa cuida nan mes y nan yiu, y pa despues nan por para riba nan mesun pia. Den futuro si nan lo kier expande cu mas cas riba e tereno di Casa Cuna. E ora ey lo tin mas luga. E cas lo bira similar y e ora ey por brinda luga pa 8 mama e ora.
E mama hoben y su yiunan
Segun Felipa, mayoria di e mamanan hoben, nan por drenta for di edad di 13 aña te cu 23. Baby y muchanan chikito por drenta automaticamente. E cambernan ta ekipa pa esey. Por imagina cu e mama tin un cama, pero e tin un cama adicional den e cama mes. Si e yiu bira mas grandi of si e bin cu dos yiu, e yiu mas grandi por keda den e camber. E edad lo ta te cu 7 aña.
Kico ta e pasonan pa bin na remarca
Pa mas informacion por tuma contacto cu Felipa na [email protected] of tambe via 5672004. Semper por pidi pa informacion. Si ta realmente pa un aanmelding, por pidi esaki pa un formulario. Pero pa por drenta oficialmente ta via Departamento di Asuntonan Social of via Voogdijraad. Tur hende por meld. Lo duna nan un formulario pa yena. Despues e di dos paso ta pa nan bay den un comision di aanmelding, caminda cu lo wak e caso. Si e mama ta match, si por yuda e mama, e ora tin un intake cu e hoben mes, pa mira con su motivacion ta, si tin un perspectiva pa futuro ora e sali. Si mira un match, e ora si tin luga, por wak si e por drenta, segun Felipa.
