E luna aki a tuma luga e certamennan final di Miss Beauty Aruba parti den Little Princess, Little Miss Aruba y Pre Teen 2018. A presenta un bunita espectaculo den Cas di Cultura sold-out. E artistanan invita Diamond Dance Group a duna tremendo presentacion. MC di anochi tawata Addonsito Croes.
E aña aki e ganadornan a resulta Little Princess Sheldry Boekhoudt, Little Miss Aruba Jaidyleen Tromp y Pre Teen Beauty 2018 Anaïs Thiel. A corona Xamara Anthony como representante di Aruba pa Baby World 2018 na Republica Dominicana.
E organisado ta gradici ZoomAruba pa tur e potretnan, prensa di Aruba en general y tur esunnan cu e aña aki a haci e certamen Miss Beauty 2018 un exito asina grandi. Por haya mas informacion riba e pagina di Facebook di Cas Princesa Aruba.
