E fraccionnan di MAS y Accion21 a manda un carta pa Presidente di Parlamento, mr. Edgard Vrolijk, cu e peticion di yama Minister di Finansa y Cultura, mr. Xiomara Maduro, pa presenta na parlamento. Nan kier p’e mandatario duna splicacion amplio riba e impuesto di BBO.
E mandatario tin di splica ampliamente como para responsabel p’e decision di gobierno pa hisa BBO cu 1% entrante dia prome di januari 2023. Ta di suma importancia pa Minister di Finansa y Cultura informa kico e aumento aki ta significa p’e negoshinan, pero specialmente p’e pueblo di Aruba.
Lider di fraccion MAS, drs. Marisol Lopez Tromp, y lider di fraccion Accion21, Miguel Mansur, a pidi den e carta na Presidente di Parlamento pa yama e minister mas lihe posibel pa por trata e topico aki den un reunion publico.
