MMA Referee y Commisioner Combative Sport Foundation a batisa nan uniform nobo, cual nan lo estrena esaki dia 5 di november proximo. Nan meta ta pa sigui aporta n’e atletanan y yuda e deporte aki sigui crece.
Jeffrey Nedd, vice-presidente di MMA Referee, a splica cu e refereenan di MMA lo ta controla e evento di AFC, tur regla cu ta cay bou di e organisacion Mericano. Nedd a gradici miembro di directiva pa nan sosten y pasenshi cu nan ta logrando cos grandi hunto cu MMA. E pandemia cu a dal tabata uno frustrante, pero nan a insisti y keda hunto cumpliendo cu lo necesario.
Nelson Nicolas, head referee, a splica cu Andres Tromp, presidente di federacion di referee MMA, a acerc’e pa yuda cu e federacion. Nicolas ta hunto cu Tromp desde comienso, pero pa motibo di trabou pa tres aña e no tabata por ta eynan. Un biaha mas Tromp a acerc’e y Nicolas a cuminsa bek. E ta haya cu e deporte di MMA a crece mas lihe rond mundo y nan kier tin miho atleta. Segun e deporte ta crece, nan kier aporta n’e atletanan cu ta haci nan esfuerso, cu tin talento y ta representa Aruba. E bandera di Aruba a luci hopi biaha. Awo nan kier haci esey un poco mas profesional. Nicolas a splica cu tur miembro di referee kier sali dilanti cu e deporte y resalta den mira e eventonan cu ta bin.
Sandy Trocha, supervisor di My fitness, a indica cu nan ta orguyoso di por sostene MMA Foundation. Tambe semper nan lo yuda unda por pa engrandece deporte di Aruba.
