Career Fair di EPI tabata un experiencia hopi educativo pa e studiantenan

Diahuebs mainta Colegio EPI a tene su Career Fair Hospitality Unit, unda cu un cantidad grandi di studiante di EPI a acudi pa asina tira un bista kico nan por scoge den e sector aki.
Nos a combersa cu Tessa Kingsale, kende a conta cu e ta den su ultimo aña na EPI, den e sector di Hospitality & Tourism.

E Career Fair aki ta duna e studiantenan e oportunidad pa wak kico nan kier haci den futuro, si en caso cu nan no sa ainda den ki direccion nan ta bayendo.El a agrega cu e aña aki tabata tin mas hotel y compania a participa den e Career Fair, sin embargo e ta desea pa e ta hopi mas grandi pa otro aña cu companianan mas grandi. Pero te asina leu, tur cos a bay bon.

Career Fair di EPI tabata un experiencia hopi educativo pa e studiantenan

Career Fair di EPI tabata un experiencia hopi educativo pa e studiantenan. Click link pa mas https://24ora.tv/2WK71Lt

Posted by 24ora on Friday, June 14, 2019

Tessa mes kier sigui den area di Human Resources, loke e ta buscando awor aki ta si hotel ta tuma stagiaires pa Human Resources. Na Hulanda e ta pensa pa sigui den e direccion aki.

Algo diferente

Mescos cu Tessa, Orlando Petronia ta den e mesun sector. E ta conta cu e Career Fair ta hopi bon y ta siña yen di cos diferente. Ta wak luganan pa stage, luganan pa traha, asina bo ta conoce mas hende y ta network. Sigur e Career Fair tabata un experiencia apart pa Orlando, caminda cu por mira yen di scol nobo, diferente stand caminda cu por pasa na e diferente scolnan tambe cu tabata na e College Fair.

Zahayra Kelly, docente di Colegio EPI den e unidad di Hospitalidad y Turismo, a conta cu esaki ta di tres aña cu nan ta organisa e Career Fair aki. E ta conta cu a target mas tanto hotel, pero door cu e studiantenan mag scoge mas area cu tin di haber cu turismo, por a haya ECO DMS, cu ta un compania cu ta cater cu destination travelers y incentives. Tambe tin Tempo cu ta un partner di EPI den industria. A invita un Stenden University, cu ta un universidad cu ta hopi popular na e unit. Tambe tin Compass, cu ta duna e studiantenan guia cu ora nan yega Hulanda, con nan por biba, unda tin cu bay. En general e ta un sorto di guia (begeleiding).

Kelly ta sigui splica cu pa e Career Fair e muchanan tabata hopi entusiasma, pasobra ta un oportunidad pa haci contacto. Algun studiante no tin idea kico un hotel tin pa ofrece. Na e Career Fair nan por a haya sa kico nan mision ta, kico nan Career path ta, kico nan ta ofrece e studiante. E companianan tambe ta beneficia di esaki pasobra nan por recluta di biaha studiantenan cu kier drenta mercado laboral. Tabata tin varios studiante cu a yena aplicacion, cual ta mustra algo bon. No solamente pa esey, pero e studiantenan tambe ta preparando pa bay stage. Tin un grupo cu ta buscando luganan pa stage. Esaki tabata un bon oportunidad pa nan.

E scol ta contento cu por yuda e studiantenan. Tin biaha nan tin e gap cu nan mes no ta bay na e hotelnan. E hecho cu ta trece e hotelnan durante e feria, ta haci’e mas excitante pa e alumnonan. Ta mas facil pa nan tambe, pero alabes ta pone cu e docentenan ta sinti nan mes feliz pa wak un studiante haya e hotel cu e kier bay traha aden. Tur compania tin su mesun cultura y e mester fit cu e personalidad di e studiante tambe. Por ehempel tin Bucuti, cu ta hopi sostenibel. Tin hopi studiante cu ta environmental friendly. Nan ta fit perfectamente cu e cultura. Pero den e Career Fair nan ta haya sa mas informacion di e compania.

Comments

comments