Sharine Geerman, un Deurwaarder conoci na Deparamento di Impuesto (DIMP) a celebra e hecho cu 30 aña pasa el a cuminsa traha den Gobierno. Minister di Finansa, Asuntonan Economico y Cultura, mr. Xiomara Ruiz-Maduro a entreg’e su decreto gubernamental corespondiente y un regalo pa conmemora su 30 añanan den servicio di Gobierno.
Sharine Geerman a inicia su carera den Gobierno for di aña 1982, trahando na Aeropuerto. Ey el a sigui traha te cu aña 1986. Ora Aruba a haya su Status Aparte, el a bay traha na Belastingdienst te cu aña 1995. El a habri su propio Incasso Bureau y como tal a tuma su retiro for di Gobierno, pero despues di 6 aña, esta na aña 2001 a stop. Na aña 2002 a opta pa regresa Departamento di Impuesto, unda e ta trahando te cu dia di awe.
Sharine Geerman a studia entre 1986 pa 1989 pa bira Belasting Deurwaarder y ta ehecutando e funcion ey pa hopi aña caba. No ta un funcion facil, pero e forma profesional cu e ta eherce, ta pone cu clientenan tin comprension pa su trabou y ta respet’e den esey.
Sharine Geerman ta conoci tambe den varios organisacion boluntario, den cual e ta yuda organisa eventonan y pa recauda fondo pa instancianan caritativo.
