Diahuebs atardi un gran cantidad di motociclista for di diferente club a reuni riba parkinglot di Do-It Center, pa asina participa na e Awareness Sunset Ride, organisa pa Aruba Driving School, cu a pasa den varios bario di Aruba.
Prome cu e ride, Motor Brigade di Cuerpo Policial, a duna un demostracion riba siguridad den trafico y con e motociclistanan por reacciona y evita accidente cu hopi daño material y naturalmente, con bo por scapa bo curpa.
Despues di esey e ride a start, caminda cu por a mira rijnan largo di brommer, pasando asina den e barionan, di e manera aki, demostra nan solidaridad pa e concientisacion riba accidentenan cu ta sosode cu motociclistanan.
