Nuebe persona mas a recupera di COVID-19, pero a bin acerca diescuater caso nobo y tur ta residente. E positivity rat bou residente a subi na 11%. E total di casonan activo p’awe ta di 160 di cual a test 323 persona. Laboratorio di hospital a test 128 residente, mientras e cantidad di fayecimento relaciona cu COVID-19 ainda ta na 38.
Na hospital tin diesdos persona interna di cual cuater ta den Cuido Intensivo y ocho ta isola riba piso general. E virus di COVID-19 t’ey y e yabi pa control’e ta union. Pa por sigui controla e cantidad di contagio ta necesario pa Aruba ta uni pa logra un solo meta, cu ta pa minimalisa e plamamento di COVID-19.
Sea alerto y consciente di cada actividad bishita pa un y tur ta consciente. Hunto den union ta trahando na mantene e casonan abou. Sigui mantene distancia, sigui aplica higiena, sigui uza tapa boca, sigui test pa COVID si tin sintoma, sigui mantene isolacion of cuarentena manera ta indica, sigui cumpli y cuida, Aruba ta conta cu bo!
