Net algo prome cu mey anochi polis a bay pura den direccion di Papaya. A drenta informacion cu tin un cas na candela. Polis di Noord y Playa a bay mesora na e sitio. Ora cu nan a yega a topa bomberonan cu a drenta tambe mesora den accion. E momento ey a tende cu ta un cuarto di palo a pega candela y expande bay den e cas. Tur hende a logra sali for di e cas. Parce ta un bela cu tin den e cuarto a causa e candela. Un señora di edad halto a conta Polis kico a pasa. E mes tabata poco malo pa motibo di e candela. Polis a pidi pa ambulance. Bomberonan a logra controla e candela prome cu esaki a sigui expande y causa mas daño na e cas.
