Algo prome cu 12or di merdia gay cora a canta na Wayaca. Cu urgencia a bati alarma di candela den piso tres di edificio di Aureus School of Medicine. Alarma di candela di e scol mes a zona y studiantenan como staff a sali na careda asina a haya holor di huma. Tres unidad di Brandweer a bin e sitio. Hoogwerker a subi halto pa controla dak di e scol.
Studiantenan a remarca cu tabatin trabounan andando den plafond relaciona cu wayanan di coriente of di camara/systema di siguridad. Polis a cera ful a area y evacua yur hende riba un distancia.
Segun rector di e universidad, tin 90 alumno y un staff considerabel. Ningun a resulta herida dor di e candela directamente pero den proceso di evacuacion un hende a corta su brasa. E persona aki a keda hiba pa Spoedeisendehulp. Brandweer a kibra glas di edificio na piso tres pa asina huma por a sali. Tecniconan di Elmar a kita coriente y Ambulans tabata riba un stand by na e sitio. Rector di e Universidad di Medicina a remarca cu no tabatin sustancianan kimico den edificio.
