Diamars anochi pa 11:00pm a bati alarma na Brandweer pa un candela den Wilhelminastraat. Un bisiña cu a topa cu e candela a cuminsa pag’e cu un hos mientras bomberonan tabata na caminda. A topa e candela den cura di un cas bandona, net pabou di Next Level BarberShop situa dilanti edificio di NV Elmar den Wilhelminastraat.
Ta parce cu un persona desconoci a pega poco desperdicio na candela, den e cura patras di e cas bandona. Ta trata di palo bieu y otro material cu tabata na candela. Bomberonan a logra domina e resto di candela rapidamente.
