Awor cu nos ta den e tempo den cual mayoria hende ta yama riba e nomber di Dios, pa asina wordo libra di Cocid-19 nos ta haña ta masha importante pa toco e tema ariba menciona. Kico ta bo bida Carnal, awel bo bida carnal ta nifica tur locual un hende por haci cu ta contra e boluntad di Dios, esey ta inclui tur tipo di desobedencia na Palabra di Dios.
Kico ta bida Spiritual , awel esey ta nifica tur locual un hende por haci cu ta den boluntad di Dios, esey ta inclui pordona, stima prohimo, yuda otro, no papia malu di otro. Bo no por cosecha 2 tipo di fruta for di mes un palo, un riu no por produci awa dushi y awa brak.
Un hende no por biba dos bida, ta pesey ta masha importante pa scohe pa un bida Spiritual saludable. Pasobra hende ta kere cu ora bo rechasa e palabra di Dios , bo ta rechasa e persona cu ta papia cu bo, pero no ta asina, ora e palabra di Dios yega serca bo , y bo rechase, bo ta rechasa Hesus y su Tata cu a mande. Lucas 10 vers 16.
Awor con bo ta haci oracion na Dios pa yudabo pa bo bira bon mientras cu bo bida, bo ta rechase, con bo ta sclama pa ayudo , pero bo sa cu bo relacion cu Dios no ta bon. Con bo ta spera bon di di Dios pero cu un actitud contra su palabra. E Centurion a bisa Hesus , Señor mi no ta digno pa bo drenta bao di mi dak, ma papia un palabra so y mi cria lo ta cura. Lucas 7 v7. E tabata sa cu su bida no ta den boluntad di Dios.
Dios no pa pone nos como juez riba otro, pero si e ta manda nos coregi otro den Amor. Y a yega e tempo cu cada cas mester tuma un decision, sea mi ta sigi biba carnal manera mi kier of mi ta laga Cristo Hesus dirigi mi hogar. Pasobra segun bo biba bo ta cosecha e resultado di bo manera di biba. Hopi hende ta culpa otro, hopi discuticion y division, pero poco reconciliacion. Pero e momento a yega y e momento ta awor cu cada ken mester stabilisa nan hogar cu e palabra di Dios.
Tur resultado rond mundo ta demostra cu hende a aleha hopi for di Dios, sigi nan propio boluntad y conocemento y causa un error grandi cual mundo henter ta sufri di dje. Hopi hende ta bruha cos , y papia locual no ta scirbi den beibel, bisando cosnan cu Hesus no a bisa.Hesus a bisa den Mateo 24 cosnan cu ta bay sosode cu lo demostra cu Su benida ta serca, pero ningun caminda tin scirbi cu ta Dios ta manda nan . Awel nos tin cu compronde cu ta aki na mundo mes tur maldad, gera, malesa lo wordo produci of ocasiona, pasobra hende a yega na un nivel di ciencia cu nan ta kere cu nan no tin mester di Dios.
Den un palabra bisa , cu nos por spera hopi cos mas , te na e momento cu Cristo bin busca su Iglesia. Awor e palabra di Dios ta bisa cu Amistad cu mundo ta enemistad cu Dios. Den Romanos 8 v 14 e ta bisa tur esnan cu ta guia door di e Spirito di Dios eseynan ta yiu di Dios.
Esey ta nifica pa nos awor aki un momento di gran escogencia, pa tuma un decision den bo bida, sea bo ta sigi cana carnal y haci tur locual ta for di boluntad di Dios, of bo ta dicidi di tuma un paso serio y entega bo bida na Señor Hesus Cristo.Hopi hende ta bisa awendia mi ta yiu di Dios, awor bo tin di puntra nan con bo a yega na Dios, pasobra e unico manera pa entrega bo mes na Dios ta pa medio di su yiu Cristo Hesus, y esey bo ta hacie ora confesa cu bo boca y kere den bo curazon cu Hesus Cristo Señor lo bo ta salba.
Sea bendiciona.
