Den oranan di marduga, disturbionan a tene autoridadnan man yen na nos hermana Isla Corsou na momento cu diferente accion/ destruccion a tuma luga pa asina demostra nan mal contento cu e situacion andando pa cu ahustacion salarial den sector publico.
Pa mas o menos 10:00PM propietarionan di Bon Prijs situa na Weto ta ricibi informacion cu nan establecimento , e parti patras, ta na candela. Personal di Brandweer y voluntarionan ta calcula cu a duranan aproximadamente 5 pa 6 ora pa domina e candela cu segun testigonan tabata bastante grandi y asina logra scapa e negoshi mes mirando cu locual cu a ricibi daño tabata e parti patras, e deposito.
Gran parti di e mercancia nobo cu a caya di yega, manera entre otro stoof/frigidaire y ekiponan pa cas, a keda completamente destrui den candela. Inversion cuantioso a bay perdi y ta hechonan condenabel.
Na mes momento cu tabata regista e situacion aki, varios otro candela intencional a manifesta. Mes ora a mobilisa mas personal y asina a drenta informacion cu scol Pedro Luis Brion tambe ta na candela y tumando hopi daño den e parti patras di e scol. Riba rednan social por a tuma nota di comentarionan fuerte di repudio contra e echonan aki y gran mayoria tabata di opinion cu e actonan aki ta di condena.
Mayoria di e candelanan cu registra durante oranan di marduga tabata intencional y cu dañonan hopi grandi cu tin atencion di Cuerpo Policial di Corsou cu ya caba ta investigando. Un esfuerso maximo pa haya culpabelnan y pone nan responsabel di e actonan aki ta locual cu hopi ta bogando pe, mirando cu a perhudica negoshi/ localidadnan cu no tin nada di haber den tur locual ta pasando riba e Isla.
Den oranan di mainta a cuminsa inventarisa / mobilisa pa asina repara / prepara pa normalisa te caminda cu por. Situacion mientrastanto ta keda tenso y ta premira algun accion mas na caminda.