Diasabra anochi Aruba a topa Canada den e wega di clasificacion pa Mundial Qatar 2022. E wega aki a termina cu victoria p’e seleccion Canades di 7-0. Aruba ta number 205 riba tabla di posicion di FIFA, mientras Canada ta na di 70 luga.
John Herdman, coach di Canada, a expresa un bon trabou haci. Canada a cuminsa cu un tempo slow, pero despues a gara nan ritmo. Den e prome mita di tempo wega Canada a anota golnan pa Lucas Cavallini, Junior Hoilett y Zachary Brault-Guillard.
Na di 17 minuut di wega, Cavallini a dal un cabesaso pa anota e prome gol di wega. Tres minuut despues, Hoilett a anota e di dos gol por medio di pinalti. E di tres gol tabata anota un biaha mas pa Cavallini. Y asina e prome mita a termina.
E di dos mita a inicia y Canada a bay den atake. Na di 49 minuut di wega Brault-Guillard a anota e di cuater gol pa Canada. E di cinco gol a bin na 78 minuut di wega pa Alphonso Davies, mientras cu dies minuut depues Cyle Larin a anota e di seis gol. Jonathan David a anota e di shete gol den pito.
E seleccion Canades tabatin 65% di posicion di bala, mientras Aruba tabata 35%. Canada a comete mas eror cu Aruba, pero a sa di pasa e defensa di Aruba pa anota gol.
