Diadomingo algo pasa di 5’or di atardi a sali un caminata diferente na esnan cu ta custuma cune riba nos isla. E ‘Caminata di Paz’ manera a keda yama, organisa pa famia y amigonan di difunto Camilo Alejandro Carreño Sosa na honor di su memoria, pero tambe tabatin como meta pa crea consenshi den nos comunidad.
Raquel Carreño Sosa, compaña pa Tata y pareha di Camilo a indica cu ademas di paz, ta busca pa bini hunto y manifesta mas amor, compasion, husticia y pordon.
E caminata a sali for di rotonde di The Ritz Carlton direccion Palm Beach Plaza, bira na man drechi pasa dilanti di high rise hotels y caba na sede di Strandpolitie pazuid di Riu Palace Antillas.
