E show presenta diasabra durante e evento di Calypso y Roadmarch infantil y hubenil tabata sumamente espectacular, segun Alberto Groeneveld, kende tabata maestro di ceremonia di e show cu a tuma luga den Carnival Entertainment Village.
Tabata tin hopi artista cu a participa. E caliber di e canticanan cu a presenta durante e evento tabata tremendo.
E articulacion, e musica, e areglo, e composicion, tur cos a haci cu a blend hopi great den otro. E publico en general tabata gosando. E tabata manera un mini concierto. E muchanan a haci un tremendo presentacion.
For di ora nan a sali, ora nan a canta, con nan tabata bisti. Henter e organisacion y e banda, un palabra di elogio pa nan.
E concepto nobo
Ora tin cos nobo, ta un tiki diferente pa por adapta na dje. Pero e concepto a wordo bon acepta door di tur hende cu tabata t’ey presente. El a bay hopi bunita, e muchanan a gusta. E organisacion tambe a gusta.
E publico tambe a gusta con el a bay. El a bay hopi bon, segun Groeneveld.
Ganadonan
E ganadonan den Pre-infantil, den roadmarch a sali ganado Zenoa Versprey, cual ta Timeclock. Den Infantil a sali Jereaux Celaire cu su roadmarch. Den Hubenil a sali Queen Jeandra, cu Carnaval a yega.
E otro resultadonan cu tin di Calypso a keda den hubenil, The Express Galloway “Golden Ways” y Infantil a keda e unico cu a participa cu su calypso cual tabata Enzo Croes.
Gradicimento
Apesar di e contratempo di awasero y tambe sakmento di e stage y biento duro, ta duna danki na tur esnan cu a haci e evento uno sumamente grandi. Mas cu claro henter e comision di calypso y roadmarch infantil y hubenil.
Tambe na SMAC y esnan cu a traha duro, cu ta e crew di Elite Productions, cu a pone tur cos cana tremendamente bon. E hurado cu nan pasenshi y tambe tur esnan cu a bin y aporta na e festival, a bin mira y tambe bati man y grita, ta wordo gradici.
