Recientemente Romar Trading a lansa un bebida nobo riba mercado, esta Calypso. Un bebida netamente local.
Calypso ta un bebida hopi bon mes, tanto na imagen como na su sabor mes. E ta un ‘hard seltzer’ traha na Aruba mes.
Maria Jose Perez, Brand Executive di Romar Trading a splica cu ‘hard seltzer’ ta un sorto di producto cu ta creciendo hopi den e ultimo temponan tanto den e mercado Mericano, Latino Americano y den Caribe tambe, mas cu claro. E ta un un producto cu ta pertenece na Aruba y cu mester acepta como di nos mes.
Un hard seltzer ta un bebida ‘carbonated’ cu ta contene alcohol como tambe sabornan natural. Den caso di Calypso, nan tin cuater sabor, cual ta mango, tangerine, lemon-ginger y berry mix.
Na caminda tin tamarijn y tambe shimarucu.
“Casi tur hende na Aruba crece c’un mat’i shimarucu of di tamarijn na cas. E algo cu nos mester acept’e como di nos, pero tambe nos bishitantenan,” Perez a bisa.
P’esey, siguiente biaha c’un turista puntra bo “What does Aruba taste like”, bo ta contest’e: “Aruba tastes like Calypso.”
Apenas Calypso tin algun luna riba mercado pero nan ta haciendo tur nan esfuerso pa e pueblo cera conoci cu e producto aki.
Pero e mas importante ta e reaccion cu e pueblo tin pa cu e producto, ta acept’e, ta contento y ta orguyoso di tin un producto local riba mercado pa por presenta y hiba Aruba su nomber na halto.
Perez a splica cu Calypso bo por beb’e, door di djis habri e bleki y dal un slok. Pero tambe si kier mescl’e cu algun fruta, door di corta nan chikito, por haci esaki. E ta un bebida cu ta hopi refrescante y espectacular. Calypso su sabor ta asina suave y refrescante, cu casi no ta sinti e smaak di e alcohol.
Un bebida tropical, Calypso, pa ora cu bo ta na lama, na cas y of na un fiesta. Un producto pa hisa Aruba su nomber na halto, un producto tambe di calidad.
Aruba, den e temporada di calor actual, pasa busca bo Calypso, un bebida suave y refrescante, pa asina baha e calor.
Tambe, keda pendiente pa e dos sabornan cu pronto lo ta riba mercado.
