Diahuebs merdia entre 1:00PM y 1:30PM Polis a bay pa rotonde drive in, caminda cu ta bay pa WEB pa un accidente entre un brommer cu auto.
Segun declaracion di e chauffeur di e auto cora, na momento cu el a baha caminda na su man drechi, diripiente e brommer a dal pega su tras.
Segun e version di e motociclista, ta e auto cora a primi brake diripiente y ora el a baha for di caminda e auto tambe a baha for di caminda y e no por a evita e impacto y a dal patras di e auto. E motociclista mester a dal su cabes contra e parti patras di e auto. Ambulance a presenta na sitio pero e coredor a declara cu e ta sinti su mes bon y no a desea di a bai cu ambulance. E resto lo keda den man di seguro pa wak ken tin of no tin culpa den e accidente aki.
